2017 جىلى الماتى قالاسىندا كوتەرمە گازدىڭ باعاسى 12% وسكەن.

بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى بولات سامبەتوۆ ايتتى. 

بولات قۋانىشبەك ۇلىنىڭ اقپاراتىنشا، دەپارتامەنتپەن «قازترانسگاز ايماق» الماتى وندىرىستىك فيليالىنىڭ 2017-2021 جىلدارعا ارنالعان گازدى تاراتۋشى جۇيەلەر ارقىلى تاسىمالداۋ قىزمەتىنە 6009،56 تگ/1000م3 كولەمىندە ءبىرىڭعاي ءتاريفى 207 جىلدىڭ 1 قاڭتارىنان باستاپ قولدانىسقا ەنۋىمەن بەكىتىلدى. 

2017 جىلدا گازعا تاريف 16،8%-عا وزگەردى. اتالعان باعانىڭ ءوسۋى باتىس وڭىرىنەن تاسىمالداناتىن كوتەرمە گازدىڭ باعاسىنىڭ وسۋىنە جانە ينۆەستيسيالىق باعدارلامانىڭ وسۋىنە بايلانىستى. ينۆەستيسيالىق باعدارلامانى جۇزەگە اسىرۋ قولدانىستاعى جۇيەلەردى مودەرنيزاسيالاۋعا، جانە دە قالانى 100% گازداندىرۋعا مۇمكىندىك بەرەدى. ول ءوز كەزەگىندە قالانىڭ ەكولوگيالىق جاعدايىن جانە تۇرعىنداردىڭ ءومىرىنىڭ ساپاسىن جاقسارتۋعا جول اشادى،-دەپ ايتىپ ءوتتى ول. 

سونىمەن بىرگە، 2017 جىلدىڭ 1 ماۋسىمىنان الماتى قالاسىندا دەپارتامەنتپەن رەتتەلمەيتىن كوتەرمە گازدىڭ باعاسى قولدانىستاعى باعادان 12%-عا وسكەنىن اتاپ وتكەن ءجون. قازاقستان بويىنشا ماگيسترالدىق قۇبىردىڭ سوڭىندا ورنالاسقان الماتى قالاسىنا ارنالعان كوتەرمە گازدىڭ باعاسى ەڭ جوعارى ەكەنى بارلىعىنا ءمالىم. سايكەسىنشە، كوتەرمە گازدى ماگيسترالدىق قۇبىرجولدارى ارقىلى تاسىمالداۋ شىعىندارىنىڭ ۇلكەن بولىگى ءبىزدىڭ قالامىزعا جاتادى. ششقو كوتەرمە گازدىڭ باعاسى 7 536 تگ قۇرايدى، ال قوستاناي وبلىسىندا 17 938 تگ.، نەمەسە جامبىل وبلىسىندا 21 197 تگ قۇراسا، الماتىدا 23 522 تگ. قۇرايدى، ال بىزبەن سالىستىرعاندا باتىس ايماقتارىندا باعالار 3-5 ەسە تومەن ەكەنىن ايتپاعاندا. 4 جىلدىڭ ىشىندە گازعا ءتاريفتىڭ وزگەرۋى كوتەرمە گازدىڭ باعاسىنىڭ وسۋىنە عانا بايلانىستى، - دەپ ءسوزىن قورىتىندىلادى بولات سامبەتوۆ.